المساعد الشخصي الرقمي

مشاهدة النسخة كاملة : (( أص ولا أسمع نفس )) قصيدت إبن الذيب في حاكم دبي الشيخ : محمد بن راشد آل مكتوم :


النشمي
02-10-2008, 03:56 AM
هاذي يالربع مناسبتها :

إن الشاعر محمد بن الذيب بعد ما إنسحب من برنامج شاعر المليون سوى أمسيه حضرها الشيخ :

محمد بن راشد آل مكتوم في دبي . وقصد فيه إبن الذيب هاذي القصيده اللي دفنت فقره .

ومن الغنايم اللَي حصل عليها : ثلاث رنجات آخر موديل . الأول من إبن مكتوم ( الشايب )

والثاني من حمدان بن محمد بن مكتوم ( معزبه ) . والثالث من والدت محمد بن مكتوم يوم قصد فيها

وهي من ضمن البيوت هاذي . أترككم معها .......



أص .. أص .. ولا أسمع نفس = لعن الله آبو من يقول المرجله ما هي سموَك
العرب شبَو على حبَك وشابوا = وأنت عادك من علوَك في علَوك

يا شيخ أنا زعلان وتقول لي إرض = أنته مقامك غير للمجد وآآنا
أشتاق فيك المدح بالطول والعرض = ومشاعري في هيبتك ما توانا
لو إن ما أنت تعيش في كوكب الأرض = ونشوفك تسولف وتضحك معانا
أكيد أبغا أقول يا طاهر الأرض = ملك منزَله الولي من سمانا

لا . وأمَك سيدي ذكر"ن" مخلَد = ذكرها خالد . وطاريها مخلَد
زارني طاريَها البارح وقامت = القريحه تشتعل والعز منمد
يا أميرت مؤمنين بلاد راشد = وأم أكرم من خلق فأمَة محمد
تنجب الزهراء أحفاد أبي طالب = الحسين أو الحسن والعز منمد
وأنتي الله شرَفش عمن سواكي = يكفي إن بطنك طلع منَه محمد

والناس تكبر وتاقف الحيل = لكن كبر في العمر والوثايق
وإلا أنت وضعك غير يا سيَد الجيل = تكبر ما بين الثانيه والدقايق

دخَني ماهوب دخَان الزقاره = يا هجوس الشاعر اللَي ما يحايد
من يباس الشعر وإلا من خضاره = السفير العاطفه والجو هايد
يا بو حمدان المكارم والنعاره = وأبو راشد وأبو أحمد وأبو مايد
سيدي والشعر لا دايم من مداره = الفريده والبديعات الفرايد
يا طويل العمر ما عندك عماره = كنَها ضلع"ن" من الضلعان نايد
واللَه العظيم مابيها إعاره = ولا عطيَه وأنت تعطي ولك عوايد
بس أبا أشرَف على راس المناره = ثم أصيح بعالي الصوت المحايد
كم سجين ضايق"ن" وقت إستثاره = يوم جاك أبوه بالعلم الوثايق
أعتزيت ولن في قلبك حراره = وأنتخيت ولن في راسك وقايد
قلت روحوا لأمَه وسوقوا البشاره = لا يحوَل دمعها وأنا أبو مايد
قدَها وعلى الطلاق إنَه خساره = من قضا عمره كذا والعمر بايد
كل جزء من الثواني لك حضاره = لأن جدَانك وسيعين البنايد
وكل دقيقه لك يصلَون إستخاره = الأرامل والفقراء الزهايد
وكل ساعه لك من العالم عباره = ما تقول إلا عسى عمرك مدايد
وكل يوم وخطوتك على الصداره = الزمن ينقص لكن طاريك زايد
وكل إسبوع"ن" لك العجمي مشاره = يا سنايد واحد"ن" ما له سنايد
وكل شهر العز في يدينك قراره = لين حقَقت الرياده وأنت رايد
وكل عام ترز للمجد إعتباره = أبوقوفك في الثقيلات الشدايد
وكل صبح يعانق إيدينك نهاره = ترقص لشمسك بطاريها الورايد
وكل ظهر الشعب دارك مثل داره = الكرم من كفَك تصف الموايد
وكل عصر الرَيح والغصن وثماره = تعزف الفزعات وتغنَي يا كايد
وكل مغرب من سنامه لا فقاره = الفخر يبرك على رجل وعلى يد
وكل ما مرَ العشا ضوء الإناره = قال يكفيني سنا وجهك يا رايد
وكل بيت , وكل شارع , وكل حاره = وكل كبري , وكل لفَه , وكل سايد
وكل رجالن على العليا مساره = وكل بنت عندها يزها القلايد
وكل راس"ن" ينحني لأجلك وقاره = وكل عين"ن" تشتهي شوفك ودايد
وكل شخص , فكل مكتب , من إداره = والعساكر , من مجنَد , لين رايد
كلَها ثم كلَها تاره ,, وتاره = أمدحك وتقول لي وش له تزايد
خذني من البدي عندك في الغماره = وأصنع الثوره بعجبات النشايد
وإعتبرني أي شي إلا الخقاره = أستغفر الله وأتوب من المكايد
ويش أبغا في شيخ تنقصه النعاره = تجربته من السلاح إلا الوسايد
وأنت ما أنت بشيخ . الشيخ إستعاره = أنت ساس المجد والباقي زوايد
وشاعرن ما هو يسوَي له إثاره = لا وقف على منصَات القصايد
ودَك إنَه يدعمه عند الإشاره = سقس جديد من المديلات الجدايد
أنت غيث لا همل يسقي الزباره = يحيي اليابس من غصون الجرايد
وأنت سيف"ن" سطَر الوقت بسطاره = ضربته تلوي قويَات الحدايد
وأنت صقرن ما صقروه أهل الصقاره = من خلق الله وهو يا شيخ صايد
وأنت ذيب"ن" لا عوا في راس قاره = يرهب اللَي نارهم دايم رمايد
وأنت دوله ,, ثم حكومه ,, ثم وزاره = ثم قايد ,, وإبن قايد ,, وأخ قايد
والعرب في هالزمن تحتاج إناره = كيف تجويز النسل ويصير جايز
أتناكح من غلا وإلا دعاره = وكل ليله درزن عيال"ن" ولايد
والنتيجه كثروا شيوخ التجاره = ما حصل لشعوبهم منهم فوايد
وألا عصر جدودنا يفرق إطاره = أتناكح ,, وأتكاثر ,, وأتزايد
وتعصرها الكثره وتفرزها العصاره = واحدن لكن يسوا له بدايد
مثل من ؟ هاذي ما تحتاج إستشاره = مثل أبوك اللَي رقا العليا يا مايد



وســـــلامــتــــكــم ,,,

فلاح
02-10-2008, 04:05 AM
النشمي




بيض الله وجهك وصح لسانك ولسان ابن اذيب ويستاهل محمد بن راشد ....



لا هنت وتقبل مروري ......

النشمي
02-10-2008, 04:18 AM
أخوي : لاح

من قال ما يهون ولا يصغر يا كحيلان .

ووجهك أبيض . والله يعطيك العافيه على المرور .

وتقبل شكري ,,,,,

عبدالله بن محمد
02-10-2008, 06:50 AM
النشمي



لآهنت,,ومجهود تشكر عليه,, يا الذيب



وصح الله لسان إبن الذيب,,

مناحي بن محمد
02-10-2008, 01:23 PM
لاهنت يالنشمــي وصح لســــانــك ,,,,,,




وكبير يــا إبن الـــذيـــب ومـــا فيك حيلـــه ,,,,,,,

مستور حال
02-10-2008, 03:33 PM
النشمي




بيض الله وجهك وصح لسانك ولسان بن الذيب ويستاهل حاكم دبي محمد بن راشد فهو غيث على شعبه واللي حوله



لاهنت ياكحيلان وتشكر على جهودك في المنتديات الادبيه

النشمي
02-10-2008, 05:19 PM
أخوي : مسير

من قال ما يهون ولا يصغر .

ووجهك أبيض يا كحيلان . والله يعطيك العافيه .

وتقبل شكري وتقديري ,,,,,,

النشمي
02-10-2008, 05:20 PM
أخوي : مناحي بن محمد

ومن قال ما يهون ولا يصغر يا كحيلان . والله لا يهينك على المرور .

وتقبل شكري وتقديري ,,,,,,,,

النشمي
02-10-2008, 05:22 PM
أخوي : مستور حال

ووجهك أبيض يا كحيلان . ولا هنت على المرور المشرَف لي .

وهاذا من أسباب تفاعلي معكم وحضوري بينكم طال عمري .

ولا أخلى ولا أعدمك .

وتقبل شكري وتقديري ,,,,,,,,

ابن شقير
02-10-2008, 08:20 PM
بيض الله وجهك وصح الله لسان محمد ابن الذيب أعز الله شاعر جزل وأعز الله ان ابو راشد انه كفو ويستاهل المدح

النشمي
02-11-2008, 12:14 AM
أخوي : إبن شقير

ووجهك ابيض .

ولا هنت على المرور .

وتقبل شكري وتقديري ,,,,,,,,,,,

ali
03-01-2008, 03:03 PM
النشمي

بيض الله وجهك وصح لسان الشاعر ابن الذيب

لاهنت

أبو شوق
03-01-2008, 03:34 PM
النشمي

الله لايهينك على مجهودك الطيب وسلمت يمناك

النشمي
03-08-2008, 01:51 AM
أبو باسل .

ووجهك أبيض يا كحيلان .

ولا هنت على المرور .

والعذر على التأخير .

النشمي
03-08-2008, 01:52 AM
أخوي : أبو شوق

ومن قال ما يهون ولا يصغر يا كحيلان .

ولا هنت على المرور ,,,,